Gazeta RD
Skerdilajd Isufi u qëllua për vdekje nga bashkëmoshatari i tij ditën e sotme në Kavajë. 47-vjeçari u vra me thikë për një vend parkimi nga një bashkëmoshatar i tij.
Burimet bëjnë me dije se viktima kishte parkuar makinën përpara banesës së autorit, duke shkaktuar kështu një debat të fortë mes tyre, i cili u mbyll në mënyrë fatale për Isufin.
Debati për makinën e parkuar përpara shtëpisë së Roland Pujës u përshkallëzua deri në vrasjen tragjike të Skerdilajt Isufit.
Menjëherë pas ngjarjes, i plagosuri u dërgua për në spital por fatkeqësisht për shkak të plagëve të rëndë që ai mori, nuk arriti të mbijetonte.
