Gazeta RD
Nga Flamur NOKA
Numbeo e rendit Tiranën të parën e ndotjes në Europë. Jo si pasojë e ndonjë industrializimi, por prej mbindërtimit rezidencial, që ka sjellë shtimin e automjeteve e për rrjedhim trafikun e rënduar në kryeqytet. Lulishtet e fundit u pallatizuan.
Rasti i fundit është ai i lulishtes në rrugën “Sulejman Delvina”, ku pa kurrëfarë respekti për hapësirat e përbashkëta dhe distancën midis ndërtesave ekzistuese, ngrihet një shumëkatësh imponues. Mungesa e hapësirave të gjelbra në raport me dendësinë e popullsisë ka rritur presionin mbi mjedisin qytetës.
Në tetor të vitit që shkoi, State of Global Air raportonte se numri i vdekjeve nga ndotja e ajrit në Shqipëri është 3 herë më i lartë se mesatarja në #BE.
Mbi 2300 vdekje në vit nga ndotja e ajrit.
96% e këtyre vdekjeve u shkaktuan nga sëmundje jo të transmetueshme si sëmundjet e zemrës, kanceri dhe demenca.
Shkalla e vdekshmërisë nga ndotja e ajrit është 56 vdekje për 100,000 banorë.
Shqipëria renditet ndër vendet evropiane me ndikimin më të madh relativ të ndotjes në shëndet.
Ndotja e ajrit kontribuon drejtpërdrejt në një pjesë të konsiderueshme të vdekjeve në vendin tonë:
1 në 3 vdekje nga demenca 🧠
1 në 7 vdekje nga sëmundjet e zemrës 💗
1 në 7 vdekje nga kanceri i mushkërive lidhen me cilësinë e keqe të ajrit 🫁
Sëmundjet jo të transmetueshme si sëmundjet kardiovaskulare, diabeti, kanceri, goditjet në tru dhe sëmundjet kronike të mushkërive, përfaqësojnë barrën më të madhe shëndetësore të lidhur me ndotjen e ajrit.
Cit. Kjo është Tirana jonë…
