Berisha: Ne dhe qytetarët e Durrësit do të mbrojmë Portin e Durrësit, këtë pasuri të madhe publike

Kryetari i PD, Sali Berisha tha se, ne dhe qytetarët e Durrësit do të mbrojmë Portin e Durrësit, këtë pasuri të madhe publike.

“Këtu e kam një mesazh unë që më dërgon njëri për Flamur Gjuzin.

Flamur Gjuzi, i cili i merr punonjësit dhe u thotë partia ime do këto, do këto ose ik.

Bën pra një diferencim politik, të cilin e bënte në Kosovë regjimi i Millosheviçit.

Ky është diferencimi që kanë filluar këta patronazhistë hajdutë të bëjnë ndaj qytetarëve.

Dhe ky Flamuri nuk është përjashtim, shumica e patronazhistëve janë të tillë se kanë hall të mbrojnë vjedhjet e tyre, krimet e tyre.

Ne do të qëndrojmë dhe qytetarët e Durrësit jam i bindur do të qëndrojnë në mbrojtje të kësaj pasurie të madhe publike.

Dhe Edi Rama nuk do mund kurrë të kapërcejë këtë vjedhje të madhe që po i bën Durrësit dhe Shqipërisë”, tha Berisha.