Gazeta RD
Një arsye më shumë për të votuar është dhe vendimi i dhënë sot nga Gjykata Administrative e cila quajti të paligjshme dhe arbitrare vendimet e Kuvendit për të përjashtuar nga jeta parlamentare deputetët e PD-së.
‘Është një sinjal alarmi se në Shqipëri nuk sundon shteti ligjor, por Partia-Shtet e Edi Ramës”, shkruan Bardhi në postimin në facebook.
“Përjashtime arbitrare!
Vendime të paligjshme!
Heqje e padrejtë e fjalës në Parlament!
Maxhoranca është kapur sërish në flagrancë nga drejtësia duke ushtruar me urrejtje pushtetin kundër opozitës!
Vendimi i Gjykatës për paligjshmërinë e përjashtimit të kolegëve Flamur Noka, Albana Vokshi, Elda Hoti, Belind Këlliçi, Klevis Balliu dhe Fidel Kreka është një sinjal alarmi se në Shqipëri nuk sundon shteti ligjor, por Partia-Shtet e Edi Ramës”
Bardhi nënvizon më tej se PD do të vijojë të rezistojë ndaj pushtetit që e ka zëvendësuar ligjin me vullnetin e keq të Kryeministrit, por sot është koha të protestojmë.
Në Parlament, ne do të vazhdojmë të rezistojmë ndaj një pushteti që e ka zëvendësuar ligjin me vullnetin e keq të Kryeministrit, por, sot, deputetët dhe qytetarët kanë një mision të përbashkët: të protestojmë për të fituar të drejtën për t’u qeverisur nga një ekip me integritet, që jep llogari dhe nuk vjedh qytetarët.
Opozita ka thirrur protestë sot në ora 19:00 para kryeministrisë.
