Kur pastrimi i parasë bëhet nga ai që paguhet për të bërë drejtësi…

Nga Adriana KALAJA

Ndoqa me interes emisionin mbrëmë Plug te Syri Tv, për shkak edhe të kontributit tim deri më tani në raport me “Drejtësinë e Re”, ku me një korrektësi dhe investigim të admirueshëm nga ky emision, u tregua fytyra e vërtetë e atyre që paguhen nga taksat tona, për të luftuar pastrimin e parasë së pistë.
Si një nga shtyllat kryesore në fakt, edhe të politikës së SHBA në raport me shtetet aleate.
Ndërkohë, pamë dhe sesi, njëlloj si në rastin e Irenës me shumë mbiemra, datëlindje dhe pashaporta, vettingu u përdor për të kapur sistemin e drejtësisë dhe modeli me cene i Irenave dhe Altinëve, të përdorej si armë në duart e pushtetit, kundra opozitës reale.
Siç edhe u tregua me fakte e prova, aty ku Dumani blen me 390 euro m2 në vitin 2019, sot qytetari e blen me 3,900 euro m2.
Ky është pastrimi i parave që aminstoi heroi i fëmijëve të munguar të mafiozes Yuri Kim!
Altin Dumani njeriu që duhej të parandalonte fenomenin e pastrimit parave, e trajtoi fenomenin si dosjen 184 dhe 339.
Njëjtë si edhe Task Forcën Zgjedhore.
Sa herë të shihni çmimet e apartamenteve, kujtoni fytyrën e Altin Dumanit, njeri që gjen apartamente okaziom dhe i falin vilë me 3 kate.
Ky është pastrimi i parave të pista që mbajnë në pushtet Edvin Ramën, dhe për këtë u duhen Irenat dhe Dumanët, por edhe vettingashët, që partia po kujdeset t’i sajdisë sa të mundet.
Nga ana tjetër, e kuptoj edhe pamundësinë objektive të organizatës tjetër partnere në krim me pushtetin e ashtuqajtur KLP, e cila ka refuzuar 4 (katër) herë kërkesat e mia për të më vënë në dispozicion dosjet e vettingit të Dumanit (edhe disa spakistëve të tjerë), si njeriu që me postin e drejtuesit të SPAK, ka qenë pararoja e zyrtarit të lartë të drejtësisë, që ka dhënë shembullin e pastrimit të parave, nëpërmjet postit në drejtësi.
Kështu, nga njëra anë kemi duart e KLP-së që tentojnë të pastrojnë fytyrën e bërë pis të Dumanit dhe, nga ana tjetër, duart e Dumanëve (rasti më flagrant është agjenti i BKH Gentjan Keshi i dosjes 184), dhe Irenave, që tentojnë të pastrojnë fytyrën pis të KLP- dhe KLGJ-së.
Në fund?
Duart e tyre që tentojnë të pastrojnë fytyrat e njëri tjetrit, por që është e pamundur.
E para, se ata realisht, nuk e kanë një fytyrë dhe,
E dyta, letrat gjithmonë janë DIKU…….
PS: Me këtë rast, shkoj drejt numrit 98 dhe, shumë shpejt drejt numrit 100 😉