Gazeta RD
Tensione u regjistruan këtë të enjte para Kuvendit, ku qytetarë që protestonin kundër qeverisë hodhën vezë në drejtim të deputetëve të Partisë Socialiste teksa ata hynin në godinën e Parlamentit.
Menjëherë pas incidentit, forca të shumta policie ndërhynë duke shoqëruar disa prej protestuesve, edhe brenda ambienteve të lokaleve që ndodhen në zonë.
Protesta e sotme vjen në ditën e 33-të radhazi të mobilizimit të qytetarëve përpara Kryeministrisë dhe Kuvendit.
Protestuesit kërkojnë dorëheqjen e kryeministrit Edi Rama, duke e akuzuar qeverinë për keqqeverisje dhe duke paralajmëruar se protestat do të vijojnë deri në përmbushjen e kërkesave të tyre.
