Gazeta RD
Një numër i madh qytetarësh i janë bashkuar protestës edhe ditën e sotme, për të 34-n herë nga sheshi “Skënderbej” dhe më tej me një marshim simbolik para Ministrisë së Brendshme, para se të shkonin para Kryeministrisë si çdo mbrëmje për të kërkuar dorëheqjen e qeverisë.
“Lironi çunat tanë”, ishte thirrja kryesore duke kërkuar lirimin e protestuesve të arrestuar nga Policia të enjten para Kuvendit.
Duke marshuar në kor ata kërkuan lirimin e të ndaluarve duke kënduar:
“Edi Rama o tradhtar, liro çunat sa më parë”.
“Rama jepe dorëheqjen”, “Arrestoni Ramën”, “Edi Rama o tradhtar, jep dorëheqjen sa më parë”, ‘Nuk ndalemi deri në dorëheqje”, “Shqipëria nuk është në shitje”, “Revolucion”, “Ju erdhi fundi”, “Shqiperia kërkon, revolucion”, “Shqipëri e re”, ishin disa nga thirrjet, parullat dhe pankartat e tyre.
Madje disa prej thirrjeve ishin edhe:“Edi Rama o tradhtar, dil këtu në bulevard, Shqipëria nuk është biznes privat”, “Edi Rama o legen, prite popullin se po vjen” dhe “Rama, Rama, F*ck You”.
