Gazeta RD
Të paktën 20 protestues janë shoqëruar në polici pas tensioneve të shënuara gjatë protestës së sotme para Kuvendit.
Protesta u zhvillua që prej orëve të mëngjesit, në të njëjtën kohë kur brenda Kuvendit po mbahej seanca plenare. Situata u tensionua gjatë ndërhyrjes së policisë, e cila përdori gaz lotsjellës dhe sprej me piper për të shpërndarë protestuesit.
Mes të shoqëruarve ishte edhe një gazetare, e cila, sipas informacioneve paraprake, u mbajt për disa orë në polici pasi nuk kishte me vete bexhin identifikues të medias. Ajo është liruar më pas.
