Gazeta RD
Kryetari i PD, Sali Berisha ka dhënë detaje nga kontrabanda e armëve të Ramës me Yeffet dhe e ka konsideruar si skandal për një vend të NATO-s.
Në prononcimin për gazetarët jashtë dyerve të Kuvendi, Berisha tha se armët blihen në zonë lufte, ndërsa tha se Shqipëria paraqitet si vend prodhues.
Nuk mund të ndodhë kurrë në një vend, përveç se në Shqipëri.
Së dyti, një vend anëtar i NATO-s bën një kontrabandë të shëmtuar. Ju duhet ta dini që tregtia e armëve ka rregulla shumë strikte, në vendin e blerjes, destinacionin e fundit, vendet tranzit dhe çdo gjë.
Faktikisht kjo është një kontrabandë e mirëfilltë. Blerja bëhet nga zona lufte ç’ka është krejtësisht e papranueshme. Ndryshohet vendi i blerjes, paraqitet Shqipëria si vend prodhues, e gjithë kryeministri i investuar se ne po prodhojmë armë, kur ne nuk po prodhojmë asgjë dhe transportohen në zonë lufte ku gjithashtu në meritën e atyre punonjësve të ministrisë përkatëse të Ukrainës, kërkohet tender, thonë ne blejmë me tender.
Kurse Edi Rama dhe kompania e tij thotë çfarë është tenderi. Pra kemi të bëjmë me një super skandal. Ju garantoj se çdo javë skandale të tilla ju do të dëgjoni, ndaj dhe bashkohuni me ata protestues që të gjithë në mënyrë që Shqipëria të shpëtojë nga ky regjim.
