Gazeta RD
Tensione dhe përplasje janë shënuar në seancën e sotme parlamentare, pas debatit për protestën studentore dhe dhunën e ushtruar ndaj të rinjve.
Kreu i grupit parlamentar të PS-së, Taulant Balla, akuzoi studentët për dhunë gjatë protestave, ndërsa deputeti demokrat Flamur Noka iu kundërpërgjigj duke i shkulur mikrofonin, duke shkaktuar përplasje në sallën e Kuvendit.
Opozita ka kërkuar lirimin e studentëve të ndaluar, ndalimin e dhunës policore ndaj protestuesve dhe nisjen e hetimeve për ngjarjet e ditëve të fundit.
Përfaqësuesit e PD-së kanë ngritur shqetësimin për trajtimin e të rinjve nga policia, ndërsa debati në Kuvend u përshkallëzua në një moment tensioni mes deputetëve të dy palëve.
