Gazeta RD
Studentët dhe qytetarët vijojnë protestën para Kryeministrisë, me thirrjet ‘Arrestoni Edi Ramën!’, duke kërkuar largimin e kryeministrit nga pushteti.
Protesta ka nisur që në orët e paradites, me grumbullimin e pjesëmarrësve në zonën e Ministrisë së Arsimit. Më pas, protestuesit janë zhvendosur drejt Kryeministrisë, ku po vijojnë tubimin e tyre.
Me thirrje kundër kryeministrit Edi Rama, studentët dhe qytetarët po shprehin kundërshtimin ndaj qeverisë, ndërsa ndër kërkesat e tyre kryesore është edhe dorëheqja e kreut të qeverisë.
Marshimi zhvillohet në kuadër të protestave që prej ditësh po mbahen në kryeqytet. Protestuesit vijojnë të qëndrojnë para godinës së Kryeministrisë, ku po përsërisin thirrjet e tyre kundër Edi Ramës.
