Në gjimnazin ‘Ismail Qemali’ në Tiranë, drejtuesit e shkollës i kanë vënë drynin sot derës së Shkollës për të mos lejuar nxënësit e këtij gjimnazi që të dalin e t’i bashkohen protestës. Nxënësit kanë bojkotuar mësimin por janë mbajtur të ngujuar prej drejtuesve të Shkollës.

Studentët kanë ngritur barrikada zjarri në të dy anët e Rrugës së Durrësit ndërsa revolta vijon e Barrikada e sotme e studentëve ka për qëllim që të pengojë autobotet e ujit të policisë dhe mjetet e tjera të cilat përdoren për shtypjen e revoltës.

Protestuesit kanë hequr kangjellat e trotuareve dhe me to kanë bllokuar rrugën e Durrësit me qëllim që të mos lejojnë autobotet e ujit të afrohen. Prej orës 11:30 protesta e studentëve vijon para ministrisë së Arsimit.