Vokshi: Dhuna ndaj grave nuk do të tolerohet, do të luftohet me dënime të ashpra!

Kryetarja e Lidhjes Demokratike të Gruas, Albana Vokshi, ka shprehur shqetësimin e saj lidhur me rritjen e rasteve të dhunës ndaj grave në Shqipëri.

Në një postim në rrjetet sociale, ajo theksoi një rast tragjik të dhunës, ku një grua u plagos nga bashkëshorti i saj me thikë, duke e quajtur këtë krim një pasqyrë të thellë të problemit të dhunës në shoqërinë shqiptare. Vokshi ngriti pyetjen: “Derisa kur?” dhe kërkoi që shteti të veprojë seriozisht për të mbrojtur gratë.

Postimi

Të paprekshme: Partia Demokratike do të mbrojë nënat, motrat dhe vajzat tona!

Në Shqipëri po përballemi vazhdimisht me raste tragjike të dhunës ndaj grave. Së fundmi, një grua u plagos përsëri nga bashkëshorti i saj me thikë – një krim tronditës që tregon sa thellë është rrënjosur ky problem në shoqërinë tonë. Pyetja është: Deri kur?

Sa viktima të tjera duhet të vuajnë para se shteti të veprojë seriozisht?
Pse dhunuesit shpesh mbeten të pandëshkuar, ndërsa gratë jetojnë në frikë?

Partia Demokratike, nën drejtimin e Dr. Sali Berishës, do të vendosë një vijë të qartë! Nënat, motrat, vajzat dhe bashkëshortet tona nuk janë viktima të dënuara të dhunës – ato janë të paprekshme!

Ne do të luftojmë me gjithë forcën tonë për sigurinë e tyre:
Dënime më të ashpra për autorët e dhunës – zero tolerancë ndaj dhunës ndaj grave!
Masa të menjëhershme mbrojtëse për gratë e kërcënuara, pa burokraci dhe vonesa!
Mbështetje reale për qendrat e strehimit dhe organizatat që ndihmojnë gratë, jo thjesht premtime boshe!

Gratë janë shtylla kurrizore e shoqërisë sonë. Një qeveri që nuk i mbron ato, ka dështuar! Partia Demokratike do ta çojë këtë betejë deri në fund – në emër të çdo gruaje që jeton në frikë dhe në emër të një Shqipërie të drejtë dhe të sigurt!