Gazeta RD
Deputetja e PD, Ina Zhupa ka folur gjatë seancës së sotme në Kuvendin e Shqipërisë në lidhje me ligjin për të huajt. Ajo gjatë fjalës së saj ka hedhur akuza të forta për manipulimin e votave të 11 majit nga Partia Socialiste.
“Në fakt pikat themelore të këtij projektligji janë informacionet e sigurisë dhe kur vjen e diskuton këtu zoti Taulant Zarfi. Se tani do të njihesh si Taulant Zarfi, se sa zarfa ke plotësuar ti nuk ka plotësuar asnjë punonjës i postës që është në dalje në pension. Sa keni kaluar ju nëpër duar e sa keni fabrikuar ju s’besoj se ka njeri tjetër rekord në Shqiëri por edhe në botë. Dhe të flisni ju për informacione e siguri është të vësh duart në kokë.
Në fakt një listë e mirëpërgaditur nga ambasadat shqiptare kudo në botë, me listat e të gjithë emigrantëve që jetojnë në shtete ku ato kryejnë funksionet, është përdorur nga funksionarët e Partisë Socialiste për të dërguar mesazhe të përsonalizuara dhe për të kërkuar takime dhe vota dhe ky është fakt.
Aq sa mjafton të shikoni se si një ish ministre e jashtëme, zonja Olta Xhaçka merr votat e diasprës pikërisht nga aksesi që ka nga ambasadat nga emërimet që ka bërë, nga listat që i shkojnë dhe perçudnon rezultatin edhe me partine tjetër politike por edhe brenda radhëve tuaja.
Marrja e të dhënave përsonale ka qenë në fakt publike. Se si ju keni përdorur gjatë fushatës çdo të dhënë përsonale me sistemin tuaj të patronazhimit”, tha Zhupa.
