Gazeta RD
Deputeti i PD, Besart Xhaferri, në fjalën e tij në Kuvend, kërkoi që të mbahej një minutë heshtje për nder të ish-deputetit të ndjerë Abdi Baleta, i cili u nda nga jetë gjashtë ditë më parë, por u ndalua nga Niko Peleshi që i kujtoi se ishin mbledhur për çështje tjetër në rend dite.
Deputetët e opozitës u ngritën në këmbë duke mbajtur një minutë heshtje, kurse grupi i mazhorancës e refuzoi, duke mos u ngritur.
“Duket se sa vlerë ka jeta për juve. As për deputetin Azem Hajdari nuk mbajtët një minutë heshtje”, tha Xhaferri.
Pas minutës së heshtjes ndërhyri kryetari i grupit të PS, Taulant Balla, i cili u mundua të justifikohej se, “kjo nuk ishte kërkuar sipas rregullores për një minutë heshtje ndaj ish-deputetit Baleta”.
