Gazeta RD
Belinda Balluku nuk po kalon ditë të lehta. Ajo është konfliktuar me Ramën për çështjen e aeroportit të Vlorës. Ajo është thirrur në SPAK për një ose më shumë hetime penale për disa tendera e koncesione, opozita e ka kryefjalë të saj, ndërsa disa media vijojnë të publikojnë investigime që implikojnë në afera korruptive atë e njerëz të saj.
Rama i ka dalë garant Ballukut, por duket se gjërat kanë ndryshuar dhe kjo ka sjellë tension mes të dyve. Balluku po shkon në burg në fakt për Ramën që e ka përdorur si kamikaze.
Me pak fjalë, Balluku duket se ka ardhur në finishin e karrierës së saj.
Për ta thënë troç, deri tani ka vetëm zhurmë. Ajo çfarë i bën të besueshme disa nga lajmet që po qarkullojnë, si për aeroportin e Vlorës ashtu edhe për fletë-thirrjen nga SPAK është fakti që Balluku nuk po reagon.
Me gjasë ajo ka zgjedhur një tjetër strategji nga ajo e Lali Erit, hija e të cilit duket sikur po ndjek edhe numrin 2 të qeverisë.
