Gazeta RD
Një shembje masive dherash dhe shkëmbinjsh bllokuan totalisht aksin rrugor Qukës-Qafë Plloçë, dy muaj pas inaugurimit. Shembja ka ndodhur në afërsi të tuneleve duke e bërë këtë aks rrugor të pakalueshëm për automjetet.
Pas shirave të shumtë që ranë ditët e fundit është shkëputur një sipërfaqe e madhe mali duke bërë bllokimin e plotë të aksit. Pas situatës kritike, kompania kontraktore e mirëmbajtjes është detyruar të vendose në përdorim një bypass provizor për kalimin e mjeteve. Kjo është problematika më e madhe e regjistruar në këtë aks, pas problemeve të tjera të regjistruar më herët.
Projekti për rrugën rreth 43 kilometra Qukës – Qafë Plloçë, që nis nga zona e Librazhdit dhe është nyje lidhëse me Qafë Thanën, ka shkelur afatet e përfundimit. Lista e pasojave nisi me dyfishim të kostos në buxhetin e shtetit, 400 milionë USD nga 150 milionë të planifikuara. Në rastin më optimist rruga përfundon në 2029-ën kur kostoja pritet të katërfishohet. N
