Gazeta RD
Nuk ishte mesazh urimi, por mesazh lufte. Sekretari ameruikan i Shtetit ka hequr dorashkat dhe gjuhën diplomatike dhe ka uruar sot në ditën e Pavarësisë jo regjimin dhe as Ramën, por direkt shqiptarët. Mesazhi është një paralajmërim për atë që e pret Ramën në përballjen amerikane me “kartelet e drogës dhe ata që i mbështesin ato”, sikurse shkruhet në mesazhin e Sekretarit amerikan të Shtetit. E njëjta gjuhë e qartë e forcës përmes diplomacisë. Jemi në fillimin e fundit të tmerrshëm të regjimit. Basti mund të vihet vetëm nëse do të jetë Maduro i pari apo Rama?
Sekretari Amerikan i Shtetit, Marco Rubio ka përcjellë një mesazh urimi për popullin shqiptar me rastin e Ditës së Pavarësisë.
Në deklaratën e tij, Rubio u shpreh se Shtetet e Bashkuara dhe Shqipëria ndajnë një partneritet të qëndrueshëm, të ndërtuar mbi synimin e përbashkët për siguri dhe prosperitet.
“Në emër të Shteteve të Bashkuara të Amerikës, dua të uroj popullin e Shqipërisë për Ditën e Pavarësisë.
Shtetet e Bashkuara dhe Shqipëria gëzojnë një partneritet të fortë, të ndërtuar mbi një angazhim të përbashkët për një të ardhme më të sigurt dhe më të begatë.
Aleanca jonë në NATO është themeli i mbrojtjes sonë të ndërsjellë dhe ne mirëpresim investimet në rritje të Shqipërisë në sigurinë tonë kolektive. Përveç kësaj, partneriteti ynë me zbatimin e ligjit në Shqipëri i bën qytetarët tanë më të sigurt ndërsa përballemi me kërcënimet e paraqitura nga grupet kriminale transnacionale, kartelet e trafikut të drogës dhe ata që bashkëpunojnë me to.
Ne gjithashtu e vlerësojmë bashkëpunimin tonë të ngushtë në adresimin e kërcënimeve kibernetike dhe e përgëzojmë Shqipërinë për hapat e saj të rëndësishëm në sigurinë kibernetike.
Ndërsa shënojmë këtë ditë të veçantë, mezi presim të zgjerojmë bashkëpunimin tonë në fushën e sigurisë, lidhjet ekonomike dhe miqësinë e qëndrueshme me Shqipërinë”, thekson Rubio.
