Trafiku i drogës, Gjykata shpall të pafajshëm nipin e ish-deputetit të PS

Gjykata e Posaçme Kundër Korrupsionit dhe Krimit të Organizuar ka përfunduar ditën e sotme gjykimin e fraksionit të dosjes 339, me tre dënime. Ndërkohë Samuel Ndoka, nipi i ish-deputetit socialist në qarkun e Lezhës Arben Ndoka, u shpall i pafajshëm.

Me 9 vjet e 4 muaj burgim u dënuan Gentian Marku, Fation Marku dhe Oltion Marku për veprat penale: prodhim dhe shitje e narkotike, në kuadër te grupit të strukturar penal, armëmbajtje pa leje dhe kundershtim te forcave te policisë. Ndërkohë, për të njëjtat vepra penale, Samuel Noka u shpall i pafajshëm.

Njoftimi për shtyp i GJKKO

1. Deklarimin fajtor te pandehurit Gentian Marku per kryerjen e veprave ‘prodhim dhe shitje e narkotike, ne kuadër te grupit te strukturar penal’ ‘armëmbajtje pa leje dhe kundershtim te forcave te policisë’ parashikuar nga Neni 283/1 dhe 333/a dhe 334 te Kodit Penal dhe dënimin e tij me 14 vite burgim.

Ne aplikim te nenit 406 uljen e 1/3 se dënimit dhe dënimin e tij përfundimtar me 9 vjet e 4 muaj burgim

2. Deklarimin fajtor te pandehurit Fation Marku per kryerjen e veprave ‘prodhim dhe shitje e narkotike, ne kuadër të grupit te strukturuar penal’ ‘armëmbajtje pa leje dhe kundershtim te forcave te policisë’ parashikuar nga Neni 283/1 dhe 333/a dhe 334 te Kodit Penal dhe dënimin e tij me 14 vite burgim.

Ne aplikim te nenit 406 uljen e 1/3 se dënimit dhe dënimin e tij përfundimtar me 9 vjet e 4 muaj burgim.

3. Deklarimin fajtor te pandehurit Oltion Marku per kryerjen e veprave ‘prodhim dhe shitje e narkotike, ne kuadër te grupit te strukturar penal’ ‘armëmbajtje pa leje dhe kundershtim te forcave te policisë’ parashikuar nga Neni 283/1 dhe 333/a dhe 334 te Kodit Penal dhe dënimin e tij me 14 vite burgim.

Ne aplikim te nenit 406 uljen e 1/3 se dënimit dhe dënimin e tij përfundimtar me 9 vjet e 4 muaj burgim.

Ndërkohë Gjykata e Posaçme ka vendosur

4. Deklarimin e pafajshëm te pandehurit Samuel Noka per kryerjen e veprave ‘prodhim dhe shitje e narkotike, ne kuadër te grupit te strukturar penal’ ‘armëmbajtje pa leje dhe kundërshtim te forcave te policisë’ parashikuar nga Neni 283/1 dhe 333/a dhe 334 te Kodit Penal për shkak se nuk provohet që ta ketë kryer ai

I kontaktuar nga media mbrojtësi i të pandehurit Samuel Noka, Avokat Arbër Hoxha u shpreh që vendimi është i drejtë dhe është rasti për tu përgëzuar gjykata në dhënien e drejtësisë pasi ish Gjykata e Krimeve te Rënda dhe aktualisht Gjykata e Posaçme Kundër Korrupsionit dhe Krimit të Organizuar në 21 vite të ekzistencës se saj ky është vendimi i 3 i pafajësisë.