Gazeta RD
Kryetari i PD, deputeti Sali Berisha, komentoi në Kuvend edhe raportin e Autoritetit të Medias Audiovizive. Berisha tha se, kurrë më parë nuk ka qenë kaq i politizuar ky institucion.
“Si asnjëherë në ekzistencën e këtij institucioni, Edi Rama dhe peng-Basha emërojnë si kryetar dhe zëvendëskryetar njerëzit më të besueshëm të tyre. Në vend që ai institucion të drejtohej nga përfaqësues relativisht të pavarur të medias, është e kotë të diskutosh se kurrë ndonjëherë nuk ka pasur një shkallë të tillë politizimi.
Me gjithë kërkesën dhe insistimit të medieve dhe institucioneve ndërkombëtare, që ky institucion të jetë i balancuar, të jetë më i pavarur dhe më i paanshëm.
Ndaj nuk ia vlen t’i kushtosh as dhe një minutë më shumë, institucionit të AMA-s, por do ndalem këtu me gjendjen dramatike që ekziston për mediat dhe fjalën e lirë në Shqipëri,” tha Berisha.
“Pra, kemi të bëjmë me një situatë dramatike, ku AMA ka shkallin e saj të përgjegjësisë. A e keni vënë re që këto ministra i nxjerr si gazetarë para medias, për të mos i lejuar të thonë dhe të pyeten. Kjo ndodh vetëm në Kanabistan. A keni konstatuar ndonjë ministre që të vijë në debate? E kanë të ndaluar.
Përballon debatet me njerëz të paguar. Deformimet këtu janë të një shkalle maksimale.
Unë e bëj thirrje gazetarëve për një aleancë të re, një aleancë për të vërtetat e mëdha të kombit, që t’i japim duart sa më shpejt këtij regjimi autokratik”, tha Berisha.
