Reshjet, kryebashkiaku i Kavajës: Të gjitha strukturat në dispozicion, grupet e verifikimit në terren

Kryetari i Bashkisë së Kavajës, Fisnik Qosja ka reaguar në lidhje me situatën e rënduar për shkak të reshjeve të shiut, duke publikuar edhe numrat e kontaktit ku qytetarët mund të kërkojnë ndihmë.

Qosja shkruan se, bashkia ka vendosur të gjitha strukturat në dispozicion të banorëve, ndërsa grupet e verifikimit janë në terren për tu ardhur në ndihmë familjeve dhe për të vlerësuar dëmet.

Reagimi i kryebashkiakut të Kavajës, Fisnik Qosja

Njoftim për qytetarët-bashkia Kavajë

Për shkak të reshjeve të dendura të shiut dhe situatës së përmbytjeve në disa zona, Bashkia Kavajë ka vënë në dispozicion të gjitha strukturat e saj për përballimin e emergjencës.

Grupet e verifikimit janë në terren për vlerësimin e dëmeve dhe ndihmën ndaj familjeve të prekura.

Qytetarët që kanë nevojë për ndihmë ose duan të raportojnë dëme, mund të kontaktojnë strukturat e bashkisë në numrat më poshtë:

📱+355 69 787 1465

📱+355 69 569 4664

Ose numrat e emergjencave:

Emergjenca: 129 (Policia) | 128 (Zjarrfikësit)

Ju lutemi të shmangni zonat e rrezikuara dhe të ndiqni njoftimet zyrtare.

Bashkia është në gatishmëri të plotë për çdo nevojë.

Faleminderit për bashkëpunimin.