Gazeta RD
Nënkryetari i PD, Oerd Bylykbashi dhe kryetari i Partisë Republikane, Fatmir Mediu marrin pjesë sot në Konferencën e Dytë Ndërparlamentare të OSBE-së për Luftën kundër Krimit të Organizuar, që zhvillohet në sallën historike “Queen’s Hall” të Dhomës së Deputetëve në Parlamentin Italian, në Palazzo Montecitorio.
Bylykbashi i pranishëm në këtë konferencë e vlerësoi aktivitetin tepër të rëndësishëm dhe që prek drejtëpërdrejtë Shqipërinë.
“Fokusi në mënyrë të veçantë është ndal droga dhe lufta kundër trafiqeve e organizatave kriminale dhe konfiskimi i të ardhurave. Rasti i Shqipërisë është ekzakt që përputhet me këtë temë. Nesër do të ketë të ftuar të rëndësishëm” tha ai.
Ai shtoi se gjatë konferencës do të bëhë një ndërhyrje për rastin e Shqipërisë. Në një prononcim për gazetaren e Syri Tv, Alba Kepi, Bylykbashi tha se Shqipëria ka shumë për të mësuar nga Italia në luftën kundër drogës por se kjo nuk ndodh pasi është vetë Rama i përfshirë drejtëpërdrejtë.
“Nuk ka mësime më të pastra dhe më të mira për autoritetet shqiptare për të luftuar drogën e trafiqet, por kjo nu ndodh sepse është shteti, kryeministri Edi Rama që është i përfshirë drejtëpërdrejtë në krijimin e hapësirës, mbrojtjes dhe incentivimit të tyre duke filluar nga kanabizimi tek pastrimi i parave në shunë sektorë nga ndërtimi tek turizmi dhe që po përhapet gjithnjë e më tepër duke u kthyer Shqipëria siç e thonë eurodeputetët dhe agjencitë ligjzbatuese në problem në Europë.Organizatat shqiptare kontrollojnë trafiqet dhe janë lordë të kësaj bote të rrezikshme”, tha Bylykbashi.
