Gazeta RD
Ka nisur seanca e radhës plenare e Kuvendit. Në Rendin e ditës janë para shikuar disa interpelanca. Fillimisht parashikohen 2 interpelanca me kryeministrin Edi Rama, thirrur nga një grup deputetësh të Grupit Parlamentar të Partisë Demokratike dhe kreu i Partisë Mundësia Agron Shehaj.
Ndërkohë, edhe sot Rama nuk do të jetë i pranishëm në seancë, pasi ndodhet për vizitë zyrtare në Korenë e Jugut. Si gjithmonë ai do të jetë diku që të mos vijë të përballet me deputetë dhe me qytetarët shqiptarë për problematikat e shumta që ka vendi.
Dje lideri i opozitës Sali Berisha u kërkoi deputetëve të PD që të mos pranojnë delegimin e interpelanave, por ato të mbahen vetëm nga kryeministri Rama, që edhe sot mungon.
Më tej në Rendin e ditës parashikohej interpelancë me ministrin Lamallari e cila mësohet se u shty pasi edhe ky ministër i qeverisë nuk ndodhet në Kuvend. Edhe Lamallari paska angazhime shtetërore.
Pritet që këto interpelancat të zhvillohen në seancat e radhës së punimeve të Kuvendit.
