Përkujtohet Abaz Kupi në Krujë

Redaksia 4 weeks ago Politike Comments Off on Përkujtohet Abaz Kupi në Krujë 18 Views

Dega e PD në Krujë dhe Partia Lëvizja e Legalitetit mbajtën në Krujë një ceremoni përkujtimore për 134-vjetorin e lindjes së personalitetit të shquar shqiptar, Abaz Kupi. Gjatë fjalës së tij, kreu i PD në Krujë, Aulon Kalaja, tha se politika duhet të bëjë më shumë për të vlerësuar figura të tilla, duke theksuar se shtatorja e Abaz Kupit duhet të vendoset në Krujë dhe në shumë qytete të tjera. Të pranishëm në aktivitet ishin edhe familjarë të Abaz Kupit, si dhe përfaqësues të partive opozitare, të cilët vlerësuan figurën dhe kontributin e komandantit të shquar.

Partia Demokratike, Dega Krujë, dhe Partia Lëvizja e Legalitetit organizuan një ceremoni përkujtimore me rastin e 134-vjetorit të lindjes së Abaz Kupit, një prej personaliteteve më të shquara të historisë shqiptare. Gjatë fjalës së tij, kreu i PD-së në Krujë, Aulon Kalaja, ngriti shqetësimin se politika nuk e ka vlerësuar sa duhet figurën e Abaz Kupit dhe kontributin e tij, duke theksuar se shtatorja e liderit properëndimor duhet të ishte në Krujë dhe në shumë qytete të tjera.

I pranishëm në aktivitet ishte edhe stërnipi i Abaz Kupit, Ylli Lama, i cili solli në vëmendje se si u tradhtuan vendimet e marra në Konferencën e Pezës dhe ngjarjet që pasuan, të cilat e detyruan Abaz Kupin të largohej nga Shqipëria.

Fjalë përkujtimore dhe vlerësime për komandantin e shquar Abaz Kupi mbajtën edhe deputetë dhe përfaqësues të partive opozitare.

Gjatë aktivitetit u transmetuan edhe materiale filmike me protagonistë familjarë të Abaz Kupit, mes të cilëve edhe djali i tij, Fatbardh Kupi.

Përshkrimi i fotografisë nuk është i disponueshëm.