Gazeta RD
Nga Eralba KRESHPA
Nënkryetare e PD Vlorë
Përsëri zjarre në Vlorë. Përsëri flakë që përhapen me shpejtësi dhe përsëri shumë pyetje pa përgjigje.
Nuk dua të bëj akuza pa prova, por qytetarët kanë të drejtë të dyshojnë dhe të kërkojnë sqarime.
Nuk dua të bëj akuza pa prova, por qytetarët kanë të drejtë të dyshojnë dhe të kërkojnë sqarime.
A janë këto zjarre thjesht pasojë e temperaturave dhe pakujdesisë? Apo kemi të bëjmë me zjarrvënie të qëllimshme?
Sepse nuk mund të mos tërheqë vëmendjen fakti që disa prej këtyre zonave kanë qenë në qendër të diskutimeve për projekte të ndryshme, për panele, vila dhe ndërtime. Projekte që janë përfolur, por që nuk kanë kaluar aty ku duhej të merrnin miratimin.
Dhe tani, në ditët kur era favorizon përhapjen e zjarrit, tokat digjen.
A është rastësi?
Nuk po them se pas zjarreve qëndrojnë projektet. Por po them se kjo duhet hetuar. Dhe duhet hetuar seriozisht, jo vetëm të shuhet zjarri dhe pas dy ditësh të harrohet gjithçka.
Nëse dikush po i vendos këto zjarre për të krijuar terren për interesa ndërtimore apo ekonomike, atëherë kemi të bëjmë me një krim shumë më të madh se një zjarr.
Dhe nëse institucionet kanë dijeni për këto interesa, qytetarët meritojnë ta dinë.
Vlora nuk mund të digjet për t’i hapur rrugë betonit.
