Gazeta RD
Berisha e cilëson fitoren e Hysës si “të jashtëzakonshme”, duke vlerësuar se ai mbrojti titullin WBO Global për peshat e rënda dhe nderoi flamurin kombëtar.
Në postimin e tij, Berisha e uron boksierin shqiptar dhe shpreh dëshirën që Hysa të bëhet së shpejti Kampion Bote.
Postimi
Nelson Hysa, një fitore e jashtëzakonshme!
Të nderuar miq, Nelson Hysa, boksieri profesionist shkodran i peshave të rënda, në një duel me norvegjezin Thomas Narmo (në “O2 Arena” të Londrës), mposhti me një sukses spektakolar kundërshtarin e tij dhe mbrojti titullin WBO Global për peshat e rënda.
Me këtë rezultat, i pari i këtij lloji për një shqiptar, Nelson Hysa nderoi flamurin kombëtar, i zbardhi faqen vetes, Shkodrës, traditës së saj dhe gjithë kombit shqiptar, si dhe hapi dyert për garën drejt titullit Kampion Bote në peshën e tij.
Ndaj, le ta urojmë nga zemra Nelson Hysën: së shpejti Kampion Bote!
