Përgjimet e reja zbulojnë skandalin/ Ron Yeffet flet si Kryeministër: Jam unë atje, mos permendi emrin tim

Në përgjimet e reja të transmetuara sonte në Syri.tv, Ron Yeffet në komunikimin me bashkëbiseduesit e tij nga Ukraina flet si Kryeministër, i cili kontrollon dhe organizon gjithcka.

Kuptohet se ai e merr këtë autoritet direkt nga Rama, që sikurse shprehet ai në përgjimin e mëparshëm, “Rama na ka pajtuar ne për të gjitha gjërat e këqija”.

Në përgjimin e ri, Ron Yeffet i thotë bashkëbiseduesve të tij se ata nuk do të bëjnë asnjë shkresë zyrtare në ministri se me të gjitha këto do të merret ai vetë.

Pra, është e qartë ai është sekseri me pushtetin e Kryeministrit që i ka dhënë për trafik armësh dhe në rastin konkret për të grabitur fushën e gazit më të madhe në rajon, atë të “Delvina gaz”.

Audipërgjimi i zbardhur:

Tatiana: Do të përgatisim një letër zyrtare për ministrinë e Energjetikës që të marrim informacione për gazin në Vlorë. Një letër zyrtare. 

Roni Yeffet: Përse, përse? Jo jo, asnjë letër zyrtare, jo, jo.  Shkoni shikoni, shkoni në Vlorë, shikoni çfarë të doni. Më pas do të merrem unë me ta. Nuk do të dërgoni asnjë letër, nuk do të dërgoni asgjë. Informacioni është për ne, jo për Ministrinë.

Tatiana: Dakord, çështja është, ajo që na tha ajo është thelbësore. Të bazohemi vetëm në një vizitë në vend do të ishte e pamjaftueshme. Një inspektim fizik, kompania nuk do të kuptonte asgjë.

Roni Yeffet: Mbështetuni te unë për Ministrinë e Energjetikës. Do të shkojmë në Ministrinë e Energjetikës, do të flasim me ta për çdo gjë. Por mos përdorni emrin tim.

Tatiana: Dakord.

Roni Yeffet: Në Vlorë, dakord. Do të kontrolloni, ju përfaqësoni një kompani amerikane.

Tatiana: Dakord.

Roni Yeffet: Do të kontrolloni, do të kontrolloni, do të pyesni për gjithçka dhe ata do të bashkëpunojnë. I thuaj asaj që të vijë të hënën, të qëndrojë këtu, do të shkoni në Ministrinë e Energjetikës 1, 2, 3 herë.

Tatiana: Mendoj që ajo do të vijë të mërkurën.

Roni Yeffet: Nëse ajo vjen të hënën dhe qëndron, sepse nuk do të jetë të mërkurën dhe të premten askush nuk punon këtu. Nuk është eficente, të jemi më eficent.

Tatiana: Dakord, dakord.

Roni Yeffet: Nëse ajo vjen të mërkurën, ata vijnë të premten, asgjë nuk ndodh. Dhe ajo duhet të qëndrojë këtu deri sa të përfundojmë. Unë dua të përfundojmë. Ju duhet të kuptoni, kam nevojë të fillojë, ne duhet të mbyllim marrëveshje.

Tatiana: Ajo vjen nga Johanesburgu, të hënën do të jetë këtu. Nga e marta në mëngjes…

Roni Yeffet: Por ajo nuk duhet të largohet deri në fundjavë.

Tatiana: Dakord.