Berisha: PD propozon zero tarifa për hyrjen në universitet, heqjen e mesatares dhe subvencionim të qirasë me 50%

Bruna Gega: Studentët ankohen për kostot e lartë të studimeve dhe mungesën e mbështetjes. Cilat janë masat konkrete që PD do propozonte për ta bërë arsimin e lartë më të përballueshëm dhe për t’u dhënë të rinjve një jetë më të mirë në atdhe?

Sali Berisha: PD propozon, së pari, zero tarifa për hyrjet në universitet. Së dyti, subvencionim të qirasë me 50 përqind të saj.
PD garanton heqjen e mesatares si kriter për hyrjen në universitete.
Garanton programe të veçanta për punësimin e të rinjve që mbarojnë universitetin.
Kredi me zero interes për çiftet që martohen.
Pra, programi i PD do të jetë një program i gjerë dhe kompleks, i cili do të synojë mbajtjen e trurit në Shqipëri dhe rikthimin e trurit nga diaspora.
Ndaj dhe ne, thirrja jonë është, të mbështesim studentët.