Dekalogu i Ramë Shkatërruesit

𝟭. 𝗦𝗵𝗸𝗮𝘁𝗲𝗿𝗿𝘂𝗲𝘀 𝗶 𝗞𝘂𝘀𝗵𝘁𝗲𝘁𝘂𝘁𝗲𝘀 𝗱𝗵𝗲 𝗿𝗼𝗹𝗶𝘁 𝘁𝗲 𝘀𝗮𝗷 𝗴𝗮𝗿𝗮𝗻𝘁, 𝗻𝗲𝗻 𝘁𝗿𝘆𝘀𝗻𝗶𝗻𝗲 𝗲 𝗽𝘂𝘀𝗵𝘁𝗲𝘁𝗶𝘁 𝘁𝗲 𝘀𝗲𝗸𝘁𝗶𝘁 𝗥𝗮𝗺𝗮, 𝗱𝘂𝗸𝗲 𝗲 𝗱𝗼𝗯𝗲𝘀𝘂𝗮𝗿 𝗴𝗮𝘁𝗶 𝗻𝗲 𝘇𝗲𝗿𝗶𝗺 𝘀𝗵𝘁𝗲𝘁𝗶𝗻 𝗲 𝘀𝗲 𝗱𝗿𝗲𝗷𝘁𝗲𝘀 𝘁𝗲 𝗻𝗲.

Kushtetuta e Republikës së Shqipërisë nuk është një dokument ceremonial dhe as një pengesë që shumica qeverisëse mund ta anashkalojë kur i vështirëson vendimmarrjen. Edi Rama ka realizuar në 13 vjet një vendimmarrje politike, e cila ka mbizotëruar, mbi arsyetimin kushtetues dhe ligjor. Institucionet kushtetuese të kontrollit i ka trajtuar si pengesa për qeverisjen, jo si garanci të demokracisë.

𝟮. 𝗦𝗵𝗸𝗮𝘁𝗲𝗿𝗿𝘂𝗲𝘀 𝗶 𝗿𝗼𝗹𝗶𝘁 𝘁𝗲 𝗞𝘂𝘃𝗲𝗻𝗱𝗶𝘁 𝘀𝗶 𝗸𝗼𝗻𝘁𝗿𝗼𝗹𝗹𝘂𝗲𝘀 𝗱𝗵𝗲 𝘃𝗲𝗻𝗲𝘀 𝘀𝗲 𝗾𝗲𝘃𝗲𝗿𝗶𝘀𝗲 𝗽𝗮𝗿𝗮 𝗽𝗲𝗿𝗴𝗷𝗲𝗴𝗷𝗲𝘀𝗶𝘀𝗲

.Një shtet demokratik ka nevojë për institucione që mund t’i thonë jo qeverisë, për një Kuvend që kërkon llogari dhe për mekanizma kontrolli që funksionojnë, pavarësisht interesave të shumicës.

Rama e ka shndërruar Kuvendin nga një institucion kontrolli, në një instrument miratimi të vendimeve të ekzekutivit, në një noter të rëndomtë!

Ka zeruar rolin kritik dhe llogari-kërkues të interpelancave dhe komisioneve hetimore parlamentare.

Nën trysninë e Ramës, Kuvendi jo vetëm nuk e ka kontrolluar efektivisht qeverinë, por ka humbur edhe funksionin e vet më të rëndësishëm demokratik: t’i kërkojë llogari pushtetit në emër të qytetarëve.

𝟯. 𝗦𝗵𝗸𝗮𝘁𝗲𝗿𝗿𝘂𝗲𝘀 𝗶 𝗽𝗮𝘀𝘂𝗿𝗶𝘀𝗲 𝗽𝘂𝗯𝗹𝗶𝗸𝗲, 𝗽𝗲𝗿𝗺𝗲𝘀 𝗸𝗼𝗻𝗰𝗲𝘀𝗶𝗼𝗻𝗲𝘃𝗲, 𝗣𝗣𝗣-𝘃𝗲 𝗱𝗵𝗲 𝗺𝗲𝗸𝗮𝗻𝗶𝘇𝗺𝗶𝘁 𝗸𝗼𝗿𝗿𝘂𝗽𝘁𝗶𝘃 𝘁𝗲 𝗟𝗶𝗴𝗷𝗶𝘁 𝗽𝗲𝗿 𝗜𝗻𝘃𝗲𝘀𝘁𝗶𝘁𝗼𝗿𝗶𝗻 𝗦𝘁𝗿𝗮𝘁𝗲𝗴𝗷𝗶𝗸

Pasuritë publike, tokat shtetërore, infrastruktura dhe kontratat koncesionare janë pronë ekonomike e qytetarëve. Ato duhet të administrohen për të maksimizuar interesin publik, konkurrencën, punësimin dhe të ardhurat e shtetit.

Rama ka bërë të kundërtën. I ka përdorur koncesionet, partneritetet publike-private (PPP), dhe mekanizmin e investimeve strategjike për t’u shërbyer oligarkëve të sektit të tij në pushtet, duke mbytur konkurrencën e barabartë, me rreziqet financiare të transferuara tek Buxheti i Shtetit, ndërsa përfitimet private mbeten të garantuara, duke realizuar kontrata ku mungon transparenca mbi kostot dhe rezultatet.

Ka injoruar në vijimësi qëllimisht zërat kritikë të opozitës, partnerëve ndërkombëtarë dhe shoqërisë civile, që kërkonin një auditim të plotë të kostos së kontratave koncesionare dhe PPP-ve gjatë gjithë ciklit të tyre, transparencë të plotë mbi procedurat e konkurrimit dhe kriteret e përzgjedhjes së operatorëve, për detyrimet kontingjente që kontratat krijojnë për buxhetin e shtetit, si dhe të marrëveshjeve për përdorimin e tokave dhe aseteve publike nga investitorët strategjikë.

𝟰. 𝗦𝗵𝗸𝗮𝘁𝗲𝗿𝘂𝗲𝘀 𝗶 𝘀𝗶𝗴𝘂𝗿𝗶𝘀𝗲 𝘀𝗲 𝘃𝗲𝗻𝗱𝗶𝘁, 𝗽𝗲𝗿𝗺𝗲𝘀 𝗽𝗼𝗹𝗶𝘁𝗶𝘇𝗶𝗺𝗶𝘁 𝘁𝗲 𝘀𝗸𝗮𝗷𝘀𝗵𝗲𝗺 𝘁𝗲 𝗣𝗼𝗹𝗶𝗰𝗶𝘀𝗲 𝘀𝗲 𝗦𝗵𝘁𝗲𝘁𝗶𝘁 𝗱𝗵𝗲 𝗺𝗲𝗴𝗮-𝘀𝗸𝗮𝗻𝗱𝗮𝗹𝗶𝘁 𝗺𝗲 𝗦𝗛𝗜𝗦𝗛 𝗱𝗵𝗲 𝗶𝘀𝗵-𝗱𝗿𝗲𝗷𝘁𝘂𝗲𝘀𝗲𝗻 𝗲 𝘀𝗮𝗷 𝗩𝗹𝗼𝗿𝗮 𝗛𝘆𝘀𝗲𝗻𝗶, 𝗾𝗲 𝗽𝗼 𝗵𝗲𝘁𝗼𝗵𝗲𝘁 𝗻𝗴𝗮 𝗦𝗣𝗔𝗞 𝗽𝗲𝗿 𝗹𝗶𝗱𝗵𝗷𝗲 𝗺𝗲 𝗸𝗿𝗶𝗺𝗶𝗻 𝗲 𝗼𝗿𝗴𝗮𝗻𝗶𝘇𝘂𝗮𝗿.

Siguria kombëtare mbështetet te profesionalizmi i shërbimeve të inteligjencës, integriteti i policisë, besueshmëria e institucioneve dhe aftësia e shtetit për të mbrojtur interesat e veta strategjike.

Kur policia perceptohet si e politizuar, kur emërimet në institucionet e sigurisë vihen në dyshim dhe kur shfaqen akuza për ndikime të krimit të organizuar në autoritetet më të larta të sigurisë kombëtare, dëmtohet rëndë besimi publik dhe dobësohet deri afër zerimit, autoriteti i Shtetit.

𝟱. 𝗦𝗵𝗸𝗮𝘁𝗲𝗿𝗿𝘂𝗲𝘀 𝗶 𝗽𝗼𝗹𝗶𝘁𝗶𝗸𝗮𝘃𝗲 𝗸𝗼𝗺𝗯𝗲𝘁𝗮𝗿𝗲, 𝗽𝗲𝗿𝗺𝗲𝘀 𝗻𝘅𝗶𝘁𝗷𝗲𝘀 𝗱𝗵𝗲 𝗯𝗮𝘀𝗵𝗸𝗲𝗮𝘂𝘁𝗼𝗿𝗲𝘀𝗶𝘀𝗲, 𝘀𝗲 𝗯𝗮𝘀𝗵𝗸𝘂 𝗺𝗲 𝗮𝘂𝘁𝗼𝗸𝗿𝗮𝘁𝗶𝗻 𝘁𝗷𝗲𝘁𝗲𝗿 𝘁𝗲 𝗕𝗮𝗹𝗹𝗸𝗮𝗻𝗶𝘁 𝗣𝗲𝗿𝗲𝗻𝗱𝗶𝗺𝗼𝗿, 𝗔𝗹𝗲𝗸𝘀𝗮𝗻𝗱𝗲𝗿 𝗩𝘂𝗰𝗶𝗰, 𝘁𝗲 𝗻𝗶𝘀𝗺𝗲𝘀 𝗳𝗮𝗺𝗲𝗸𝗲𝗾𝗲 𝗕𝗮𝗹𝗹𝗸𝗮𝗻𝗶 𝗶 𝗛𝗮𝗽𝘂𝗿.

Bashkautor i izolimit të Kosovës, përmes kësaj nisme dhe qëndrimeve të tjera skandaloze në dëm të faktorit shqiptar në rajon.

𝟲. 𝗧𝗲𝗻𝘁𝘂𝗲𝘀 𝗽𝗲𝗿 𝘀𝗵𝗸𝗮𝘁𝗲𝗿𝗿𝗶𝗺𝗶𝗻 𝗲 𝗼𝗽𝗼𝘇𝗶𝘁𝗲𝘀 𝗸𝗿𝘆𝗲𝘀𝗼𝗿𝗲 𝘁𝗲 𝘃𝗲𝗻𝗱𝗶𝘁, 𝗣𝗮𝗿𝘁𝗶𝘀𝗲 𝗗𝗲𝗺𝗼𝗸𝗿𝗮𝘁𝗶𝗸𝗲, 𝗽𝗲𝗿𝗺𝗲𝘀 𝗻𝗱𝗶𝗸𝗶𝗺𝗶𝘁 𝗻𝗲 𝗿𝗿𝗷𝗲𝘁𝗲𝘁 𝗲 𝗹𝗶𝗱𝗵𝘂𝗿𝗮 𝗺𝗲 𝗚𝗲𝗼𝗿𝗴𝗲 𝗦𝗼𝗿𝗼𝘀 𝗽𝗲𝗿 𝘁𝗲 𝗴𝗼𝗱𝗶𝘁𝘂𝗿 𝗹𝗶𝗱𝗲𝗿𝗶𝗻 𝗲 𝗼𝗽𝗼𝘇𝗶𝘁𝗲𝘀, 𝘀𝗶 𝗱𝗵𝗲 𝗽𝗲𝗿𝗺𝗲𝘀 𝗺𝗲𝗴𝗮-𝘀𝗸𝗮𝗻𝗱𝗮𝗹𝗶𝘁 𝗠𝗰𝗚𝗼𝗻𝗶𝗴𝗮𝗹, 𝗽𝗲𝗿 𝘁𝗲 𝗴𝗼𝗱𝗶𝘁𝘂𝗿 𝘀𝗲𝗿𝗶𝘀𝗵𝘁 𝗣𝗮𝗿𝘁𝗶𝗻𝗲 𝗗𝗲𝗺𝗼𝗸𝗿𝗮𝘁𝗶𝗸𝗲.

Një qeveri demokratike nuk ka frikë nga opozita. Ajo i përgjigjet kritikës me argumente, rezultate dhe llogaridhënie, dhe jo me puçe të tipit Soros apo McGonigal. Tentativa për të shkatërruar Partinë Demokratike nuk është fitore e demokracisë, por një goditje e shëmtuar dhe e përbindshme, që kërkon të dobësojë mundësinë e qytetarëve për të zgjedhur një alternativë ndaj pushtetit të sotëm autokratik të Ramës.

𝟳. 𝗚𝗷𝗲𝗻𝗲𝗿𝘂𝗲𝘀 𝗶 𝗿𝗲𝘁𝗼𝗿𝗶𝗸𝗲𝘀 𝗯𝗼𝘀𝗵𝗲 𝗽𝗲𝗿 𝗶𝗻𝘁𝗲𝗴𝗿𝗶𝗺𝗶𝗻 𝗲𝘂𝗿𝗼𝗽𝗶𝗮𝗻, 𝗽𝗲𝗿𝗺𝗲𝘀 𝗹𝗮𝗿𝗴𝗶𝗺𝗶𝘁 𝘁𝗲 𝘃𝗲𝗺𝗲𝗻𝗱𝗷𝗲𝘀 𝗻𝗱𝗮𝗷 𝘀𝘁𝗮𝗻𝗱𝗮𝗿𝗱𝗲𝘃𝗲 𝘁𝗲 𝗺𝗮𝘁𝘀𝗵𝗺𝗲 𝗾𝗲 𝗸𝗲𝗿𝗸𝗼𝗻 𝗕𝗿𝘂𝗸𝘀𝗲𝗹𝗶.

Integrimi europian është projekti strategjik më i rëndësishëm i Shqipërisë pas vendosjes së pluralizmit. Ai nuk është thjesht paradë vizitash dhe takimesh, apo një slogan që mund të përdoret për të justifikuar çdo vendim qeveritar.

Anëtarësimi në Bashkimin Europian kërkon institucione të pavarura, drejtësi efektive, luftë kundër korrupsionit, konkurrencë ekonomike, administratë profesionale dhe mbrojtje të të drejtave themelore.

Rama nuk ka plotësuar asnjë nga këto kërkesa-kushte!

Europa nuk është destinacioni i një partie. Është standardi që duhet të mbrojë çdo qeveri dhe çdo institucion shqiptar.

𝟴. 𝗡𝘅𝗶𝘁𝗲𝘀 𝗱𝗵𝗲 𝗶𝗱𝗲𝗮𝘁𝗼𝗿 𝗶 𝗳𝘀𝗵𝗲𝗵𝘂𝗿 𝗶 𝘀𝗵𝗽𝗼𝗽𝘂𝗹𝗹𝗶𝗺𝗶𝘁 𝗺𝗮𝘀𝗶𝘃 𝘁𝗲 𝘃𝗲𝗻𝗱𝗶𝘁 𝘁𝗲 𝘁𝗶𝗷, 𝗱𝘂𝗸𝗲 𝘀𝗷𝗲𝗹𝗹𝗲 𝗸𝗿𝗶𝘇𝗲𝗻 𝗺𝗲 𝘁𝗲 𝗿𝗲𝗻𝗱𝗲 𝘁𝗲 𝗸𝗮𝗽𝗶𝘁𝗮𝗹𝗶𝘁 𝗻𝗷𝗲𝗿𝗲𝘇𝗼𝗿 𝗾𝗲 𝗸𝗮 𝗻𝗷𝗼𝗵𝘂𝗿 𝗦𝗵𝗾𝗶𝗽𝗲𝗿𝗶𝗮.

Nëse ka një problem që rrezikon të përcaktojë të ardhmen afatgjatë të Shqipërisë, ai është humbja e popullsisë dhe largimi i të rinjve dhe profesionistëve, me një ritëm të frikshëm në 13 vitet e fundit.

𝟵. 𝗥𝗲𝗮𝗹𝗶𝘇𝘂𝗲𝘀 𝗶 𝗸𝗮𝗻𝗮𝗯𝗶𝘇𝗶𝗺𝗶𝘁 𝘁𝗲 𝘃𝗲𝗻𝗱𝗶𝘁 𝗻𝗴𝗮 𝘃𝗶𝘁𝗶 𝟮𝟬𝟭𝟰, 𝗱𝘂𝗸𝗲 𝘀𝗷𝗲𝗹𝗹𝗲 𝗹𝘂𝗹𝗲𝘇𝗶𝗺𝗶𝗻 𝗲 𝗯𝗮𝗻𝗱𝗮𝘃𝗲 𝗱𝗵𝗲 𝗸𝗿𝗶𝗺𝗶𝘁 𝘁𝗲 𝗼𝗿𝗴𝗮𝗻𝗶𝘇𝘂𝗮𝗿, 𝘁𝗲 𝗽𝗲𝗿𝗱𝗼𝗿𝘂𝗿𝗮 𝗽𝗲𝗿 𝘁𝗲 𝗴𝗷𝗲𝗻𝗲𝗿𝘂𝗮𝗿 𝘃𝗼𝘁𝗮 𝗱𝗵𝗲 𝗻𝗱𝗶𝗸𝗶𝗺. 𝗭𝗴𝗷𝗲𝗿𝗶𝗺𝗶 𝗶 𝗸𝘂𝗹𝘁𝗶𝘃𝗶𝗺𝗶𝘁 𝘁𝗲 𝗸𝗮𝗻𝗮𝗯𝗶𝘀𝗶𝘁 𝗻𝗲̈ 𝗦𝗵𝗾𝗶𝗽𝗲̈𝗿𝗶, 𝘃𝗲𝗰̧𝗮𝗻𝗲̈𝗿𝗶𝘀𝗵𝘁 𝗴𝗷𝗮𝘁𝗲̈ 𝘃𝗶𝘁𝗲𝘃𝗲 𝗽𝗮𝘀 𝘃𝗶𝘁𝗶𝘁 𝟮𝟬𝟭𝟰, 𝗽𝗲̈𝗿𝗯𝗲̈𝗻 𝗻𝗷𝗲̈ 𝘀𝗳𝗶𝗱𝗲̈ 𝘀𝗲𝗿𝗶𝗼𝘇𝗲 𝗽𝗲̈𝗿 𝗿𝗲𝗻𝗱𝗶𝗻 𝗽𝘂𝗯𝗹𝗶𝗸, 𝗲𝗸𝗼𝗻𝗼𝗺𝗶𝗻𝗲̈ 𝗱𝗵𝗲 𝗯𝗲𝘀𝘂𝗲𝘀𝗵𝗺𝗲̈𝗿𝗶𝗻𝗲̈ 𝗲 𝗶𝗻𝘀𝘁𝗶𝘁𝘂𝗰𝗶𝗼𝗻𝗲𝘃𝗲.

𝟭𝟬. 𝗚𝗷𝗲𝗻𝗲𝗿𝘂𝗲𝘀 𝗶 𝗽𝗲𝗿𝗰𝗮𝗿𝗷𝗲𝘀 𝘀𝗲 𝘁𝗵𝗲𝗹𝗹𝗲 𝘀𝗼𝗰𝗶𝗮𝗹𝗲 𝗱𝗵𝗲 𝗽𝗼𝗹𝗶𝘁𝗶𝗸𝗲 𝘁𝗲 𝘀𝗵𝗼𝗾𝗲𝗿𝗶𝘀𝗲 𝘀𝗵𝗾𝗶𝗽𝘁𝗮𝗿𝗲, 𝗽𝗲𝗿𝗺𝗲𝘀 𝗸𝗿𝗶𝘇𝗲𝘀 𝘀𝗲 𝗮𝗿𝘀𝗶𝗺𝗶𝘁 𝗱𝗵𝗲 𝗶𝗻𝗷𝗼𝗿𝗶𝗺𝗶𝘁 𝘁𝗲 𝗽𝗹𝗼𝘁𝗲 𝘁𝗲 𝗸𝗲𝗿𝗸𝗲𝘀𝗮𝘃𝗲 𝘁𝗲 𝗱𝗿𝗲𝗷𝘁𝗮 𝘁𝗲 𝘀𝘁𝘂𝗱𝗲𝗻𝘁𝗲𝘃𝗲, 𝗾𝗲 𝗲 𝗸𝗮𝗻𝗲 𝘀𝗷𝗲𝗹𝗹𝗲 𝘃𝗲𝗻𝗱𝗶𝗻 𝗻𝗲 𝗽𝗿𝗮𝗴 𝘁𝗲 𝘀𝗵𝗸𝗮𝘁𝗲𝗿𝗿𝗶𝗺𝗶𝘁.

Edi Rama është ideator dhe realizues i korrupsioni sistemik dhe i mungesës së plotë të llogaridhënies, duke gjeneruar krizën që i ushqen të gjitha të tjerat!

Korrupsioni nuk është vetëm marrje ryshfeti. Ai përfshin edhe konfliktin e interesit, favorizimin në tendera, hartimin e rregullave që krijojnë privilegje, mungesën e plotë të transparencës dhe përdorimin e burimeve publike për përfitime private.

Kur pushteti nuk pranon të kontrollohet, korrupsioni gjen terrenin më të favorshëm për t’u kthyer nga përjashtim, në mënyrë funksionimi.

xxx

Edi Rama, Shqipëria nuk mund të jetë peng i asnjë karrigeje politike, aq më pak i tëndes!

Shqipëria ka nevojë për një kthesë të thellë në mënyrën e ushtrimit të pushtetit. (Keq)-qeverisja jote 13 vjeçare sjell një përgjegjësi të rëndë dhe të jashtëzakonshme për gjendjen mjerane sot të institucioneve dhe administratës publike të paralizuara nga patronazhistët e tu.

Pas trembëdhjetë vitesh të sektit tënd në pushtet, vazhdojnë tek ne shqetësime madhore për korrupsionin sistematik, për pavarësinë e munguar institucionale, për emigrimin masiv, për cilësinë e dobët të shërbimeve publike dhe të arsimit.

Edi Rama, në një demokraci, asnjë kryeministër nuk është i pazëvendësueshëm. Asnjë parti nuk e zotëron shtetin. Asnjë shumicë parlamentare nuk mund ta trajtojë mandatin elektoral si autorizim të pakufizuar.

Protestat paqësore qytetare për 135 ditë dhe revolta e zemërimi qytetar në 14 ditët e fundit e kanë vendosur Shqipërinë përballë një krize të re madhore me një rrugëdalje të vetme: largimin tënd. Reflekto sa nuk është ende shumë vonë. Dorëheqja jote rivendos rendin kushtetues, përgjegjësinë individuale për çdo akt të paligjshëm, dialogun demokratik dhe funksionimin e institucioneve.

Shqipëria nuk mund të digjet për të mbrojtur karrigen tënde! Shqipëria nuk do ta ndërtojë të ardhmen e saj, duke u shkatërruar në mbrojtje të një kulti pushteti personal, si tëndit!