Gazeta RD
Inxhinierët kanë dalë këtë të mërkurë në protestë kundër projektligjit të propozuar nga mazhoranca për Urdhrin e Inxhinierit dhe e kanë quajtur antikushtetues.
Deputetja e PS, Luljeta Bozo ka propozuar një projektligj, i cili po diskutohet në komisionet parlamentare për të shkuar më pas në Kuvend, Ky projektligj kërkon ngritjen e Urdhrit të Inxhinierit, siç është ai i Farmacistëve, Stomatologëve.
Sipas pr ligjit, me miratimin e tij, pas një viti të gjithë inxhinierëve aktualë u bie licenca dhe duhet të rilicencohen tek Urdhri i Inxhinierëve.
Në mbëshetjet të protestuesve ka dalë sot dhe deputeti i PD, Lefter Gështenja, i cili tha se opozita është e vendousr për ta rrëzuar këtë projektligj në Kuvend.
Gështenja tha se ai vjen në parlament si propozim i një deputeti por “s’është normale të shitet si propozim i një deputeti kur është e vërtetueshme se është nismë e qeverisë”.
“Me këtë projekt ligj kërkohet të kapet një ndër institucionet më të rëndësishme, licencimi i inxhinierëve të ndërtimit, një nga fushat prioritare të ekonomisë. Ky nuk është projektligj për Urdhrin e Inxhinierëve, por koncesion i pastër që i jepet një grupi njerëzish për të licencuar personat juridikë apo fizikë. Keqardhje që s’janë ndërgjegjësuar gjithë inxhinierët, nëse do e dinin çfarë i pret, nëse largqoftë miratohet ky projektligj, do ishin këtu”, tha Gështenja.
