Përse e quajnë Cristiano Ronaldon “El Bicho”?

Cristiano Ronaldo pa dyshim është njëri prej futbollistëve më të mirë në histori të futbollit. Mmadje nga disa tifozë konsiderohet edhe si “GOAT” (Më i madhi i të gjitha kohëve). Por, 37 vjeçari i ka edhe disa pseudonime apo nofka, të cilat i janë vendosur ndër vite.

Ai ka luajtur me sukses në katër shtete të ndryshme, në Portugali, në Spanjë, në Itali dhe në Angli, ndërsa në Spanjë i kaloi vitet më të mira të karrierës me Real Madridin, ku e quanin “El Bicho”.

Ç’do të thotë kjo nofkë dhe përse e quajtën ashtu portugezin?

Ronaldo iu sillte adrenalinë dhe eufori komentatorëve spanjollë me paraqitjet dhe me golat e tij sa luajti në Madrid.

Në një ndeshje, komentatori spanjoll Manolo Lama e përdori termin “El Bicho” në një radio komentim të një ndeshjeje të La Ligas.

“El Bicho” në spanjisht i bie dikush që mund t’i frikësojë dhe gllabërojë mbrojtësit kundërshtarë.  Dhe, ky pseudonim erdhi falë fizikusit, fuqisë dhe lidershipit të “CR7”, i cili i dominonte lojtarët kundërshtarë.

Ronaldo i kishte kaluar 10 vjet në Spanjë, ku i kishte realizuar 451 gola në 438 ndeshje në të gjitha garat, me një mesatare të jashtëzakonshme prej më shumë se një goli për ndeshje.

Ai e fitoi katër herë Ligën e Kampionëve dhe po aq herë edhe Topin e Artë në “Santiago Bernabeu”.

Ndër të tjera, kishte thyer rekorde të shumta dhe ishte bërë golashënuesi më i mirë në histori të klubit.

Ishte bërë po ashtu lojtari i parë në histori të madrilenëve që i shënon më shumë se 60 gola brenda një sezoni.

Aftësitë e jashtëzakonshme për të dribluar dhe aftësitë për t’i përfunduar aksionet nga pozita të ndryshme dhe të vështira, e bënë atë njërin prej lojtarëve më të mirë në planet.

Përpos “El Bicho”, futbollisti i Manchester Unitedit nga shumëkush quhet “CR7”,

Por, familja dhe miqtë e afërt e thirrin edhe “Ronnie” apo “Cris”.

Për nder të tij është ndërtuar një bust në vendlindjen e tij në Funchal të Madeiras, i quajtur “Museu CR7”.

Jo shumëkush e di se galaksia e quajtur Cosmos Redshift 7 apo Galaxy CR7 është inspiruar nga Ronaldo.

Ai po ashtu njihet edhe si Mr. Champions League pas rekordit të regjistruar në këtë garë, shkruan “Gazeta Express”.

Ish-futbollisti i Sporting Lisbonës, Real Madridit dhe i Juventusit i ka shënuar 140 gola në Champions dhe e ka fituar pesë herë këtë trofe, 4 herë me Realin dhe 1 herë me Manchester Unitedin.

Në sezonin 2021/22 me “Djajtë e Kuq” i realizoi 24 gola në të gjitha garat. Tani ai është duke e kërkuar largimin nga “Olf Trafford”.

About Redaksia

Check Also

Toni Kros do të tërhiqet nga futbolli pas Europianit

Toni Kroos synon të tërhiqet nga futbolli pas sezonit të Gjermanisë në Euro 2024. Mesfushori …

Leave a Reply