Gazeta RD
Kryetari i PD, Sali Berisha gjatë takimit me qytetarë të Pukës u ndal edhe tek financimi rus i ish-kreut të demokratëve, Lulzim Basha. Sipas Berishës, Rama mori peng për zverku Bashën, pasi tha se kjo punë do të hetohet deri në fund.
Ai bëri thirrje që të gjithë demokratët të bashkohen, ndërsa Lulzim Bashës i kërkoi që të tregojë kush është e vërteta e financimit rus. Berisha tha gjithashtu se Rama është armiku dhe për të ardhur në pushtet nuk do përdorin dhunën, por një revolucion paqësor.
“Rama më 3 mars 2018 shkruan se ky i ka futur duart në xhepat rusë dhe kjo punë do hetohet deri në fund. Si e hetoi, e mori peng për për zverku, në një akt të shëmtuar, anti demokratik dhe anti kombëtar.
Tani ne të gjithë demokratët duhet të bashkohemi, por ata që patën mashtrimin më të vogël e kanë të qartë se kush e kishte në dorë Bashën. Sot duhet të bashkohemi.
Ai e mohoi prapë, nëse e mohon trego një për një cila është e vërteta. Nga dolën 600 e ca mijë euro? Ato janë të përshkuara tamni. Nuk është Edi Rama për ti mbyllur. Akti i tij ka qenë 100% personal, nuk i ka dhënë asnjeriu në PD.
Ne kemi një armik para, dhe ky armik është Edi Rama. Ne nuk vijmë në pushtet me dhunë, por me kryengritje paqësore ne duhet ta heqim nga pushteti atë. Nëse ne e lejojmë këtë armik që dhunon votat dhe lirinë, interesin kombëtar Shqipëria do zhbëhet, por ne këtë nuk do ta pranojmë kurrë. Ndaj duhet të bashkohemi. Ky vend nuk është për tu braktisur, por ky vend është i bekuar”, u shpreh Berisha.
