Dhe në stol në qendër të vëmendjes: Skena në këndimin e himneve tregon gjithë madhështinë e Ronaldos

Fitorja e bujshme e Marokut ndaj Spanjës ishte lajm në botën e sportit vetëm për dhjetë minuta dhe më pas u njoftua se Cristiano Ronaldo nuk ishte në formacionin fillestar të Portugalisë për t’u përballur me Zvicrën.

Menjëherë mediat botërore e kanë përqendruar gjithë vëmendjen te Ronaldo dhe kjo u pa më së miri pikërisht para fillimit të ndeshjes Portugali-Zvicër.

Gjatë këndimit të himneve, rreth njëqind fotografë qëndruan para stolit të Portugalisë. Një numër shumë i vogël ishin përballë fushës dhe 11 lojtarë portugez të cilët kënduan himnin kombëtar sepse të njëjtën gjë po bënte edhe Ronaldo para pankinës.