Gazeta RD
Kandidati i opozitës për bashkinë e Tiranës, Belind Këlliçi i ka nisur takimet me qytetarët nëpër Tiranë herët në mëngjes. Sot ka ndeshur me një mik të hershëm të familjes, figurë e njohur e sportit.
“Mirëmëngjes dhe përshëndetje me legjendën e tenisit, Kadri Arapi! – shkroi Këlliçi në Fb. – Disa herë kampion kombëtar dhe kampion i veteranëve. Kadriun e njoh dhe më njeh që kur isha 5 vjeç, kur nisa të mësoja lëvizjet e para.
Cilido nga ju që ka shkuar në fushat e tenisit te “Shallvaret”, nga viti ’91 e në vijim, e njeh Kadri Arapin si profesorin e përjetshëm të tenisit. Është personi që e mbajti gjallë këtë sport në Tiranë. Jetë e shëndet, profe!”, i ka uruar ai.
