Gazeta RD
Gjatë ditëve të fundit janë hasur disa vatra zjarresh në vendin tonë, por më shqetësuese mbeten zjarret në pikat turistike.
Zjarret në parkun kombëtar të Butrintit dyshohen se janë të qëllimshme për të hapur troje për ndërtime hotelesh apo lokalesh. Siç dihet në Shqipëri tashmë është bërë e modës, ku sa herë duan të hapin troje për ndërtime, apo për toka bujqësore digjen pyjet.
Në Butrint nuk ka interes njeri për toka bujqësore dhe kjo është shumë e qartë, por interesi për hotele e për shërbime të tjera turistike është shumë i madh. Është e domosdoshme që të kryhen hetime dhe të vihen para ligjit zjarrvënësit e qëllimshëm.
