Gazeta RD
Drejtori i zjarrfikëses së Cërrikut, Artion Taci ka përfunduar në pranga pasi akuzohet për krim zgjedhor. Agjencia e Mbikëqyrjes Policore njofton se ka vënë në pranga Drejtorin e Zjarrfikëses së Cërrikut, Artion Taci. Sipas AMP, ai akuzohet për ‘ushtrim ndikimi të paligjshëm’ dhe për ‘krim zgjedhor’.
Arrestimi i tij ka ardhur me urdhër të Prokurorisë së Elbasanit. Ndërkohë, në pranga kanë rënë edhe pesë persona të tjerë, të identifikuar si: Adnan Xhelili, Alban Shima, Armand Gjoka dhe Agiano Dinoshi.
Me urdhër të Prokurorisë se rrethit Elbasan është arrestuar edhe nëpunësja e zyrës së taksave në bashki, një biznesmen dhe dy qytetarë.
Paraprakisht mësohet se ai akuzohet për ‘ushtrim ndikimi të paligjshëm’ dhe ‘krim zgjedhor’, pasi ka influencuar tek nëpunësja e zyrës së taksave në bashki që të lëshojnë vërtetime false për disa biznese gjatë periudhës së fushatës zgjedhore.
