Gazeta RD
Studentët e Mjekësisë janë mbledhur sërish në protestë këtë të hënë. Ata janë grumbulluar para Ministrisë së Arsimit ku po protestojnë kundër ligjit të miratuar, që i detyron të qëndrojnë 5 vite në Shqipëri, pas përfundimit të studimeve ose në të kundërt duhet të paguajnë një tarifë të majme.
Siç shihet dhe nga pamjet, studentët kanë bllokuar totalisht qarkullimin te Rruga e Durrësit.
Kujtojmë se studentët e mjekësisë nuk kanë marrë pjesë në mësim, duke bojkotuar këtë të fundit që nga nisja e vitit të ri akademik.
Ata kanë kërkuar ballafaqim të drejtpërdrejtë me ministren e Arsimit dhe me zyrtarë të qeverisë për të kundërshtuar ligjin që sipas tyre është “i padrejtë”.
