Gazeta RD
Luçiano BOÇI
Fjala e lirë si e vërtetë dhe e thënë fort është thelbi i demokracisë.
Dhe Danieli dje këtë bëri.
Si qytetar i lirë i një vendi anëtar të NATO-s, në mes të ditës, ia përplasi në surrat të vërtetën “krokodilave” politikë ritualistë të 21 Janarit, të cilët bëjnë sikur i dhimbsen jetët e humbura që i përdorën për të ngritur mgrehinën e pushtetit të tyre.
Danieli thjesht ulëriti të vërtetën dhe i tregoi me gisht si vrasës me porosi, autorët e vërtetë të 21 Janarit.
Por “kapuçonët” e zinj të regjimit e arrestuan!
E arrestuan pse?!!!
Pse dëshmoi të vërtetën!?
Pse dëshmoi lirinë e tij!?
Pse dëshmoi fjalën e lirë!?
Dhe kjo është revoltuese.
Por më revoltuese është ajo që ka pushtuar qelizat e institucioneve, mediave e organizatave të shoqërisë civile, të cilat para dy ditësh “bën gurgulenë” për gjoja-dhunimin me fjalë të drejtueses së Komisionit të Edukimit, e cila donte të sfidonte hapur demokratët.
Pushteti u angazhua me kuç e me maç të demaskonte “dhunën”.
Nuk ngeli zë i pazëshëm dhe i papërfillshëm mediatik e jo mediatik pa ulëritur.
Po dje pse heshtën?
Pse heshtën për dhunën e “xhupave të zinj” ndaj një të riu të pambrojtur?!
Pse nuk u revoltuan për studentin që tha të vërtetën?!
Pse nuk shkruan ato çarçafët e gjatë të indinjatës ndaj shkeljeve të drejtave të njeriut?!
Pse nuk u sulën kundër pushtetit për hir të fjalës së lirë?!
Ku janë ato mediat që bënë namin për dhunën ne Kuvend?!
Ku janë strukur ato shoqatat e të drejtave të njeriut që deri dje bënë u çorrën kundër deputetëve të PD?!
Skandal e turp bashkë pë këto lepeqepistë të pushtetit që duan t’i bëjnë funeralin të vërtetës dhe fjalës së lirë!
