Gazeta RD
Duke folur për qytetarët në tubimin e përnatshëm në rrugën e Shpresës, kryetari i PD, Sali Berisha ka komentuar dhe kërcënimet e ministrit të Drejtësisë, Ulsi Manja ndaj deputetit Agron Shehaj, të cilit iu drejtua se, do t’i presë veshët.
“Demokrate dhe demokratë!
Misioni juaj për përmbysjen e diktaturës së dytë është fati, është shansi më i madh historik që mund t’i jepet njeriut.
Dhe kjo kërkon të marrim në dorë fatin tonë.
T’i dalim zot fatit tonë.
T’i dalim zot Shqipërisë.
T’i dalim zot shqiptarëve.
Miqtë e mi, zemërimi ynë duhet të jetë i pakufishëm.
Sot në parlament me nder ministri, nxori briskun dhe i tha deputetit se të pres veshin.
A ka gangster si ky në Europë?
A gjenden gangsterë si këta në botë?
Çfarë presim?
Presim të na i presin veshët?
Jo kurrë, në sulm, në sulm, në sulm!
Fitore, fitore, fitore!”, tha Berisha.
