Hysaj fajësohet për golin e dytë të Italisë, uli kokën dhe lejoi rrjetën

Një video nga momenti kur Italia shënoi golin e fitores me Shqipërinë është bërë virale në rrjetet sociale dhe shkak është bërë reagimi i Elseid Hysajt.

Sipas tifozëve, futbollisti uli kokën në momentin kur Barrela goditi topin, duke ia dalë ta fusë në rrjet.

“Po ul kokën se mos goditet nga topi”, shkruajnë qytetarët.

Shqipëria u mund në ndeshjen e parë të Europianit përballë Italisë me rezultatin 2-1 në Dortmund. Sfida nisi mjaft mirë për kuqezinjtë e Sylvinhos, të cilët gjetën golin me Bajramin që shënoi që në sekondën e 22, duke realizuar kështu dhe golin më të shpejtë në historinë e një kampionati Europian.

Gjithsesi kjo gjë nuk i mjaftoi Shqipërisë, me Italinë që gjeti dy gola shumë te shpejtë me Bastonin dhe Barellën në minutat 11’ dhe 16’.

Në pjesën e dytë kuqezinjtë tentuan të shënonin, kur iu afruan më shumë me Manajn në minutën e 90’, por topi përfundoi jashtë kuadratit.

Kështu Italia shkon në kuotën e tre pikëve, ndërsa Shqipëria do të tentojë të arrijë maksimumin përballë Kroacisë më 19 qershor, ora 15:00 në Hamburg.