Urdhri i Partisë-Shtet për manipulimin e zgjedhjeve: Gjeni emra dhe karta identiteti të votuesve emigrantë

Partia Socialiste kërkon nga punonjësit e administratës emrat e miqve apo të afërmve që jetojnë dhe punojnë jashtë vendit në mënyrë që t’i patronazhojë për zgjedhjet e 2025. Sinjalizimet se administrata është nën presion janë të shumta. Kreu i departamentit për mjedisin në PD, Jamarbër Malltezi ka publikuar një mesazh që i është dërguar punonjësve të administratës dhe ku kërkohen emrat dhe adresat e 5 antarëve të familjes së tyre, apo miq që jetojnë jashtë vendit. Foto më poshtë:

“Antiligji ne veprim: punonjesve te administrates shteterore ju kerkohet te sjellin listat me te pakten 5 persona jashte shtetit qe kane vendosur te shkelin ligjin dhe te deklarojne voten per PS! Vota eshte e fshehte thuhet ne Kushtetute por kur ligjin e shkel Edi Rama menser #spak behet si leter higjenike e fshihet dhe nuk guxon te hetoje krimet zgjedhore sic u deshmua me dosjet 184 dhe 339” shkruan Malltezi në rrjetet sociale, ku ka publikuar mesazhin e sipërm.

Mbetet për t’u parë nëse do të funksionojë me emigrantët skema e patronazhimit. Duke qenë se emigrantët jetojnë dhe punojnë jashtë vendit, janë më të vështirë për t’u shantazhuar përmes vendit të punës, ndihmës ekonomike, legalizimeve etj. Ndaj kjo përpjekje e socialistëve për të “shtrydhur” punonjësit administratës, jo vetëm duke i diktuar votën e tyre personale, por edhe të miqve dhe të të afërmve që jetojnë jashtë nuk është çudi të kthehet në efekt të kundërt.