Nga Elona CASLLI
Përjashtimi dhe pezullimi, aktet përfundimtare të vetëizolimit.
Të përjashtuarit dhe të pezulluarit janë akti përfundimtar i vetëizolimit, pas atij të blindimit.
Tek akti i përjashtimit dhe i pezullimit, nuk qëndron fakti se u përjashtua apo u pezullua një grup individësh.
U përjashtua dhe u pezullua vullneti i anëtarësisë që nuk ndihet i përfaqësuar nga Lulzim Basha.
Blindohet vullneti i anëtarësisë.
Pezullohet vullneti i anëtarësisë.
Përjashtohet vullneti i anëtarësisë.
Lind pyetja- Në zgjedhjet e ardhshme, kujt do t’ia kërkojë votat Basha?!
Krejt dakord që Basha mund të bëjë pa votat e të përjashtuarve dhe të pezulluarve si individë, po pa vullnetin e anëtarësisë a bën dot?!
Sikundër do të shprehej me të drejtë Basir Çollaku: Votuesit që largon me dhunë nga selia, nuk mund t’i fusësh paqësisht te kutia.
Post Scriptum- Nuk mund të jesh kryetar i një partie duke u ngujuar brenda një godine.