Gazeta RD
Ish-Kryeministri Sali Berisha ka hedhur akuza të forta në drejtim të Lulzim Bashës, pas daljes nga Prokuroria e Tiranës.
Berisha e akuzoi Bashën se, është i lidhur me narko-shtetin dhe me grupe kriminelësh e fondamentalistësh, duke shtuar se ai është i gatshëm për interesin personal të shembë selinë e PD për ndërtimin e kullave.
“Momenti që është më flagrant është se sot, njeriu që është shkarkuar nga çdo funksion i PD është simbol i pabesisë ekstreme politike. Së dyti, simboli më i degraduar i lidhjeve me krimin. Së treti, mos harroni se ky është personi që për pazare personale dhe pasurimin personal ishte i gatshëm të shuante ndërtesën e PD për shkak të kullave.
Ky është personi që për pazare personale dhe pasuri personale, ishte i gatshëm të shuante ndërtesën për shkak të kullave që do ndërtoheshin aty, dhe duhet ta dini, dhe shkoni ta pyesni Erion Veliajn, se të gjithë të dhënat e mia dëshmojnë se pronarët i kanë thënë atij se jemi të marrë vesh me Lul Bravën.
Lulzim Brava është simboli i politikanit që nuk njeh asnjë princip, që për të ruajtur karrigen pasi është shkarkuar nga anëtarësia, e shndërroi selinë e PD, duke ia dorëzuar Edi Ramës të blinduar”, tha Berisha.
