Gazeta RD
Një 63-vjeçar i ka shpëtuar mrekullisht një atentati me armë zjarri.Biznesmeni 63-vjeçar Lulzim Masha ka qenë duke lëvizur me makinën e tij te Liqeni i Thatë, kur një person i paidentifikuar ka qëlluar në drejtim të makinës së tij, ku fatmirësisht nuk ka pasur persona të lënduar.
Një person i paidentifikuar, i cili është larguar në këmbë, ka qëlluar me armë zjarri pistoletë, në drejtim të mjetit tip Benz me drejtues shtetasin Lulezim Masha, administrator i shkollës private Uillson, i cili udhëtonte vetëm.
Shërbimet e Policisë kanë shkuar menjëherë në vendngjarje, janë ngritur pika kontrolli në të gjitha pikat hyrëse-dalëse të Tiranës me qëllim kapjen e autorit.
Ndërkohë, grupi hetimor ndodhet në vendngjarje dhe është duke sekuestruar çdo provë të mundshme materiale që do të shërbejë për identifikimin e autorit të ngjarjes.
