Thirrja e Nishanit: E vetmja rrugë shpërbërja e aksit të së keqes, Rama-Basha-Veliaj

Bujar Nishani

Pas ngjarjeve të fundit në aksin Tiranë-Shijak, askush nuk ka dyshime se shtetin dhe te gjithë shoqërinë e ka kapur për fyti një bandë e inkriminuar.
Ndonëse veshur me pushtetin e shtetit jo vetëm veprimet por dhe organizimin paralel e ka ndërtuar mbi struktura kriminale.

Kapobanda që qëndron në krye të këtij organizimi, Edi Rama, që nga dita e parë e hyrjes së tij në politikë më 1998, e ka ndërtuar të gjithë karrierën dhe pushtetin e tij mbi këtë konglomerat, shtet/banda kriminale.

Si i tillë ai është kryekëput i lidhur me fatin e strukturave paralele kriminale perballe ligjit.
Si çdo kapobandë ai ka dhe sejmenin e tij, rol që duhet ta përmbushë një qënie me personalitet zero e kamikaz politik. Duke e vendosur këtë qënie në krye të qytetit të Tiranës jo vetëm është fyer dinjiteti i kryeqytetit por ai ka përmbushur strukturën e rrjetit kriminal të mbajtjes së pushtetit.
Por veç me këto dy hallka, garancia e networkut kriminal nuk përmbushte sigurinë e moscënimit të pushtetit të grabitur, ndaj platforma ku pushteti ngrihet mbi krimin dhe korrupsionin dhe ku krimi e korrupsioni përcakton pushtetin, përfshiu në aleancë kryetarin e opozitës politike i cili rezultoi një eunuk i devotshëm i këtij haremi kriminal.

Sot për shqiptarët, trekëndëshi i vetshërbimit dhe modelit më të turpshëm të kapjes e degradimit shtetëror, Rama-Veliaj-Basha, përbën boshtin e së keqes së madhe të cilin shqiptarët duhet ta shembin sa më parë nëse duan që bandat dhe praktikat kriminale, aferat e korrupsionit dhe vjedhjeve ndaj tyre të marrin fund njëherë e mirë.

Askush të mos presë kurgjë nga e quajtura “drejtësi”.
Do vijojmë të vetkënaqemi me vetëgënjimin tonë.
Ka vetëm një zgjidhje nëse ka vullnet e dëshirë për zgjidhje.
Shpërbërja e aksit të së keqes, Rama-Basha-Veliaj !

About Redaksia2

Check Also

PD çon në Kushtetuese ligjin për komisionet hetimore

Opozita ka ankimuar këtë të premte në Gjykatëmn Kushtetuese ndryshimet në ligjin për komisionet hetimore …

Leave a Reply