Braktisja/ Basha anulloi takimin në Shkodër, Alibeajn nuk e pret askush

Shkodra është një prej 6 bashkive ku qytetarët e saj me 6 Mars i drejtohen kutive të votimit. Gara pritet të jetë interesante mes opozitës së përçarë dhe mazhorancës së etur për ta fituar këtë bashki, pas plot 30 vitesh tentativave të dështuara. Dy emrat e parë që janë zyrtarizuar për këtë garë, është ai i socialistes Majlinda Angoni dhe i grupit të rithemelimit Bardh Spahia.

Dilema më e madhe mbetet në kampin e Lulzim Bashës, i cili pas disa refuzimeve të emrave që ju ka propozuar këtë garë, tashmë po kryen tentativat e fundit për të gjetur kandidatin që do t’i besojë sfidën aspak të lehtë të 6 Marsit. I gjendur përballë braktisjes masive të anëtarësisë së PD dhe të pjesës më të madhe të kryesisë së kësaj force politike, Lulzim Basha është në dilemën nëse duhet t’ja dorëzojë çelësat e garës të vetmit njeri të vetëofruar, kryetarit të deges Xhevdet Amuli, apo të vijojë tentativat për një tjetër emër që mund të jetë edhe jashtë radhëve të kontributorëve të drejtëpërdrejtë në PD. Një tjetër emër i përfolur është dhe Xhemal Bushati por akoma nuk ka ndonjë ofertë zyrtare.

Gjerat janë vështirësuar edhe më shumë pas dorëheqjes së Helidon Bushatit dhe emërimit të Enkelejd Alibeaj, pasi nënkryetari i PD deri më tani nuk ka zhvilluar asnjë takim në Shkoder. Ky i fundit i druhet ardhjes pasi i mungojnë strukturat, ndërsa të shtunën e 29 Janarit edhe vetë Lulzim Basha anulloi takimin e programuar në Shkoder. Situata sa vjen dhe bëhet më komplekse në këtë forcë politike, e cila duhet të kapë afatet për të qënë pjesë e garës, ndonëse një prej skenareve që me forcë po artikulohet ditët e fundit, është ai i dorëheqjes së PD nga këto zgjedhje, duke ja lënë fushë betejën e lirë Sali Berishës përballë Edi Ramës. Nëse kjo ndodh, do të ishte një goditje fatale për Bashën si kryetar i PD.

About Redaksia2

Check Also

VOA: Breshëri bombash molotov ndaj qeverisë dhe Bashkisë, Berisha kërkon qeveri teknike

Disa breshëri bombash molotov drejt selisë së Këshillit të Ministrave, kërkesa këmbëngulëse për largimin e …

Leave a Reply