Gazeta RD
Lideri historik i PD, Sali Berisha gjatë takimit me të rinjtë në Lushnje denoncoi sjelljen e qeverisë, por edhe të ish-kryetarit të PD, Lulzim Basha ndaj të rinjve.
“Basha bëri betejë kundër Belind Këlliçit dhe të rinjve, tha Berisha, duke shtuar se, nxori nga Kuvendi Klevis Balliun, pasi ky i fundit bëri 420 ditë protesta me banorët e Astirit”.
Berisha akuzoi Bashën edhe për dështimin e protestave të studentevë kundër qeverisë në dhjetor 2018.
“Regjimi këto 8 vite mbajti një qëndrim aspak miqësor ndaj jush. Unë isha në Peshkopi dje, sot po vij këtu. Hapëm një Fakultet në Peshkopi dhe këtu në Lushnje, bëmë gjithçka për të investuar te të rijtë. Në 2005 përdorimi i internetit te të rijtë ishte 4.9% dhe në atë periudhë kur deklarova se do ta sjellim Shqipërinë në moshën digjitate, gazetat u hapën me titull tallës për Sali Berishën.Por unë isha i vendosur sepse e dija fuqinë e tyre.
Korrupsioni dhe vetëm korrupsioni shtyu qeverinë të përshtasë ligje për arsimin dhe qëndrime ndaj arsimit të cilat ishin masivisht përjashtuese ose mbyllje të një seri shkollash të larta. Studentët filluan një lëvizje nga më të shkëlqyerat. Por pse dështoi lëvizja e rinisë? Dështoi fund e krye për shkak të opozitës.
Sepse opozita nuk u bë ndonjëherë zëdhënëse e rinisë dhe unë ju them ju se betejën më të madhe Lulzim Brava e bënte kundër Belindit dhe të rinjve, e nxori nga Parlamenti Klevisin sepse qëndroi 420 ditë me banorët e Astirit.
Mbajti një qëndrim intimidues dhe për qeverinë largimi i tyre nga Shqipëria është edhe ngushëllimi më i madh sepse e di që kur të rinjtë mbushin rrugët dhe sheshet të largojnë”, u shpreh Berisha.
