Gazeta RD
Lideri Historik i PD, Sali Berisha mori pjese në aktivitetin e zhvilluar në Qytetin Studenti në përkujtim të 31-vjetorit të rrëzimit të bustit të diktatorit E.Hoxha.
“Në tërë historinë tonë kombëtare, askush, asnjë njeri nuk u bëri shqiptarëve, nuk skllavëroi shqiptarët, ashtu siç bëri Enver Hoxha.
Kultet janë fenomene të diktatura totalirate. Pas rrëzimit në 1956 të kultit të Josif Stalinit në Rusi, kultet e stalinistëve në vendet komuniste ranë njëri pas tjetrit, përveç se në Shqipëri. Këtu kultet gjetën folenë e tyre. Përveç Enver Hoxhës, këtu u vendos kulti i diktatorit gjeorgjian Stalin, i filozofit terrorist Lenin.
Enver Hoxha vendosi mbi shqiptarët një diktakturë të trefishtë, atë të luftës së klasave, të urisë dhe izolimit.
Rrëzimi i kultit të Enverit ishte kushti i të gjitha kushteve, që opozita të ishte e vërtetë, që shqiptarët të ndiheshin njerëz të lirë dhe të rifitonin veten e tyre.
Lëvizja studentore nisi aty ku nuk e priste regjimi, në Universitetin Bujqësor. Studentët e këtij universiteti nisën grevën kundër regjimit.
Me shpejtësi studentët e Universitetit të Tiranës iu bashkuan dhe morën flamurin e kësaj proteste, për betejën finale”, u shpreh Berisha.
