Plas në mbledhjen e grupit! Deputetët i kërkojnë Bashës largimin e menjëhershëm!

Mbledhja e grupit parlamentar të PD po zhvillohet me replika të forta mes deputetëve të pranishëm dhe Lulzim Bashës, pas humbjes shkatërruese në zgjedhjet e 6 marsit.

Deputetët që deri dje mbështesnin Lulzim Bashën i kanë quajtur dëshpërues dhe të tmerrshëm rezultatin e PD në zgjedhjet e të dielës.

Ferdinand Xhaferraj, Dash Sula, Ilda Dhori dhe Helidon Bushati janë disa nga deputetët që në mbledhjen me dyer të mbyllura i kanë kërkuar Lulzim Bashës dorëheqjen.

Edhe Agron Gjekmarkaj kërkon largimin e Bashës dhe bërjen e zgjedhjeve të reja në parti.

Helidon Bushati ka propozuar edhe kongres pajtimi mes demokratëve.

Por, Basha ka vazhduar me refrenin e paradites, se nuk ka humbur asnjë garë elektorale, por që e kanë vjedhur.

Përsëritja e kësaj deklarate nga Basha është konsideruar fyerje nga deputetët Ferdinand Xhaferraj dhe Dash Sula.

Debatet

Ferdinad Xheferraj: Jam më i vjetri dhe me eksperiencë, s’kam ambicie, por përgjegjësi për PD. Berisha s’është zgjidhje dhe e ka mbyllur me PD, por t’i na ke fyer kur thua s’kam humbur asnjë garë. Duhet të largohesh si kryetar.

Lulzim Basha: S’kam humbur asnjë garë, i kanë vjedhur.

Dash Sula: Cila është zgjidhja kryetar? Se kështu mund të na thuash përsëri. Si i jep zgjidhje? Ke përgjegjësi ti dhe ne. Nuk na beson më asnjë kështu.

Ilda dhori: Të hapen zgjedhjet në parti. Duhet të ikesh, duhet të hapet gara në PD. Berisha e ka mbyll duhet të zgjedhin demokratët cili na bashkon.

Helidon Bushati: Duhet të jemi përtej egos, e shkatërruat PD ju dhe Berisha. Duhet të ikësh. Duhet Kongres pajtimi. Të bashkohemi! Duhet Kongres pajtimi me pjesëmarrjen e të dy rrymave ku për të mirën e përgjithshme disa duhet të bëjnë një hap prapa.

Agron Gjekmarkaj: Të ngrihet një komision dhe PD të shkojë në zgjedhje të reja.

Lulzim Basha: Dy rrugë ka. Ose rrimë bashkë e bëjmë riorganizim ose ia dorëzojmë Sali Berishës. Synimi i Berishës është të marrë PD për t’u mbrojtur nga non grata.

About Redaksia

Check Also

Absurdi me 2 TEC-et lundruese në Vlorë! Qeraja 3-fish më e lartë se blerja

Dy termocentralet lundruese që janë vendosur në zonën e Triportit në Vlorë, jo vetëm që …

Leave a Reply