Gazeta RD
Mijëra protestues janë mbledhur këtë pasdite para Kryeministrisë kundër rritjes së çmimeve. Qytetarët kërkojnë ulje të çmimit të karburantit dhe produkteve të shportës. Ajo që bie në sy janë pankartat e tyre.
Disa mbajnë pankarta ku shkruhet “na e hoqët përsheshin me qumësht”, ndërsa të tjerë thonë se “erdhëm nga Ballshi i naftës me kuaj”.
Ata shtojnë se qytetarët e bashkuar kanë rrëzuar diktaturën ndërsa nëse bashkohen sërish mund të ulin taksat.
Bilbil Cara, kreu i Sindikatës së Taksisistëve tha se të premten në orën 11:00 do të protestojnë me makinat e tyre në bulevard, pasi nuk po arrijnë dot të mbajnë familje te tyre.
